Thomas Szasz

Geðlæknirinn Thomas Szasz er þekktur fyrir mjög rótækar skoðanir á heilbrigðismálum. Szasz heldur því fram að fólk misnoti stimpilinn "geðveikur" , því það noti hann á hegðun sem bara er "öðruvísi" en fólk á að venjast. Szasz vill því láta hætta að nota hugtök eins og andlega veikur eða geðveikur. Hann rökstyður skoðun sína með því að skilgreina veikindi sem líkamlegt ástand, þ.e. fyrirbæri sem þjaki eingöngu líkamann og því geti  andleg veikindi ekki verið neitt annað en ímyndun. Heimurinn er fullur af fólki sem fer í taugarnar á okkur fyrir það eitt að hugsa eða hegða sér á annan hátt en flestir aðrir. Það að vera öðruvísi ætti ekki að vera nægileg ástæða til þess að stimpla fólk sjúkt. Með því að stimpla hegðun sjúka, segir Szasz, eru valdamiklir einstaklingar að þröngva eigin gildum og viðmiðum upp á aðra. Algengt var til dæmis að andmælendur kommúnisma í Sovétríkjunum sálugu væru settir á hæli.

Margir af starfsbræðrum Szasz hafna alfarið hugmyndum hans um að geðveiki sé ekkert annað en ímyndun. Sumir þeirra hafa þó fagnað framlagi hans til geðheilbrigðismála og bent á hættuna samfara því að að knýja misnota læknavísindi til að knýja fram hlýðni. Þeir benda á máli sínu til stuðnings að flestir upplifa einhvern tíman á lífsleiðinni kröftugt streitutímabil eða aðrar geðsveiflur sem flokka má undir sjúklega eða afbrigðilega hegðun. Slík tímabil séu yfirleitt skammvinn, en ef aðrir fara að stimpla hegðunina (eða ósiðinn) sem afbrigðilegan eða smánarlega megi búast við að langtímaáhrifin verði mjög skaðleg vegna þess að viðkomandi einstaklingur gæti farið að hegða sér í samræmi við stimplunina (Sheff,199)