Hvað segir kennslubókin um málið

Síðastliðin fimmtíu ár eða svo hafa áhrif læknisfræði og geðlæknisfræði aukist í samfélaginu og lögsaga lækninga náð yfir sífellt stærra svið. Með lögsögu lækninga er átt við að læknisfræði (og geðlæknisfræði) geri kröfur um að fá tiltekin svið eða málaflokka undir sitt yfirráðasvæði. Eitt þeirra sviða sem læknisfræðin gerir tilkall til eru frávik, en í því felst að siðferðileg og lagaleg málefni verði flutt og sett undir læknisfræðina. Kjarni málsins er sá að með því að færa frávik undir lögsögu lækninga er bara verið að skipta um merkimiða eða stimpil á frávikunum. Með því að beita siðferðilegum merkimiðum er hegðun fólks flokkuð í "góða" eða "slæma" hegðun. Vísindalegt hlutleysi leyfir ekki siðferðilegt mat á hegðun, þar er notast við vísindalegar skilgreiningar eins og veikur eða heilbrigður.